Þann 8. desember 2009 var Framtakssjóður Íslands (FSÍ) slhf (samlagshlutafélag) formlega stofnaður af sextán lífeyrissjóðum innan vébanda Landssambands líffeyrissjóða. Síðar bættust Landsbankinn og VÍS í hóp eigenda. Tilgangur með stofnun framtakssjóðs var að taka þátt í og móta fjárhagslega og rekstrarlega endurreisn íslensks atvinnulífs. FSÍ er ætlað að fjárfesta í íslenskum fyrirtækjum í öllum atvinnugreinum sem eiga sér vænlegan rekstrargrundvöll. Markmiðið er að byggja upp öflug fyrirtæki sem geta verið leiðandi á sínu sviði og um leið skilað góðri ávöxtun til fjárfesta. Sjóðnum er heimilt að fjárfesta erlendis og mun taka þátt í fjárfestingum sem stuðla að hagræðingu eða samruna fyrirtækja. Nánar um hlutverk og stefnu FSÍ.

Eignaraðilar FSÍ þann 30. 06.2011 eru;

• Landsbankinn (27,59%)
• Lífeyrissjóður Verslunarmanna (19,91%)
• Gildi lífeyrissjóður (10,39%)
• Sameinaði lífeyrissjóðurinn (7,72%)
• Lífeyrissjóður starfsmanna ríkisins (7,36%)
• Söfnunarsjóður lífeyrissréttinda (6,62%)
• Stafir lífeyrissjóður (5,52%)
• Lífeyrissjóður starfsmanna sveitarfélaga (2,76%)
• Festa lífeyrissjóður ( 2,76%)
• Almenni lífeyrissjóðurinn (1,84%)
• Lífeyrissjóður Vestmannaeyja (1,47%)
• Lífeyrissjóður bankamanna (1,24%)
• Lífeyrissjóður Vestfirðinga (1,10%)
• Lífeyrissjóður verkfræðinga (1,10%)
• Eftirlaunasjóður FÍA (0,77%)
• Íslenski lífeyrissjóðurinn (0,68%)
• Lífeyrissjóður Rangæinga (0,58%)
• VÍS hf. (0,55%)
• Framtakssjóður Íslands GP ehf. (0,02%)

Einkum er horft til stærri fyrirtækja sem lent hafa í fjárhagserfiðleikum vegna yfirstandandi þrenginga en eiga sér vænlegan rekstrargrundvöll auk annarra fyrirtækja sem þykja áhugaverðir fjárfestingakostir. Kröfur eru settar um lágmarksstærð fyrirtækja sem fjárfest er í. Sjóðurinn fjárfestir einkum í starfandi fyrirtækjum en ekki í sprota- eða nýsköpunarfyrirtækjum enda eru aðrir sérhæfðir sjóðir á þeim vettvangi (Nýsköpunarsjóður og Frumtak) . Markmiðið með starfsemi FSÍ er að ná góðri arðsemi á fjárframlög hluthafa. Ekki eru takmarkanir á eignarhlutdeild FSÍ í fyrirtækjum. Að jafnaði er þó horft til eignarhlutar á bilinu 20-55% sem gefur FSÍ nægileg og hæfileg áhrif á stjórnun viðkomandi hlutafélaga. Ráðgjafaráð er umsagnaraðili um fjárfestingastefnu FSÍ að fenginni tillögu stjórnar FSÍ.